ຂ່າວສານ News


ເຫດລະເບີດແຕກທີ່ຫວຽດນາມ

ເຈົ້າໜ້າທີ່ຫວຽດນາມກ່າວວ່າ ມີຊາວເຢຍຣະມັນ 2 ຄົນ ແລະຊາວສິງກະໂປຄົນນຶ່ງ ຮວມ ຢູ່ໃນຈຳນວນພວກເສຍຊີວິດ 4 ຄົນ ໃນເຫດບັ້ງໄຟດອກລະເບີດ ທີ່ນະຄອນຫຼວງຮ່າໂນ່ຍ ບ່ອນທີເຈົ້າໜ້າທີ່ພວມກະກຽມການສະເຫຼີມສະຫຼອງ ໂອກາດວັນຄົບຮອບ 1,000 ປີ ໃນ ການສ້າງຕັ້ງນະຄອນດັ່ງກ່າວ ໃນມື້ວັນອາທິດນີ້.

ເຫດລະເບີດໃກ້ໆສະໜາມກິລາ My Dinh ໃນມື້ວັນພຸດຜ່ານມາໄດ້ເຮັດໃຫ້ປະຕູປ່ອງຢ້ຽມ ເຮືອນແຕກ ແລະສົ່ງແປວຄວັນຂະໜາດໃຫຍ່ກຸ້ມຂຶ້ນສູ່ທ້ອງຟ້າ. ນອກນັ້ນຍັງມີອີກຫຼາຍໆ ຄົນໄດ້ຮັບບາດເຈັບ ໃນເຫດລະເບີດດັ່ງກ່າວ.

ຊາວເຢຍຣະມັນ 2 ຄົນ ທີ່ເສຍຊີວິດໃນເຫດລະເບີດຄັ້ງນີ້ ແມ່ນເປັນນາຍຊ່າງທີ່ຖືກຈ້າງມາ ເພື່ອຊ່ອຍໃນການກະກຽມ ຈູດບັ້ງໄຟດອກ. ສ່ວນຄົນສິງກະໂປນັ້ນ ເປັນນັກທຸລະກິດຍິງ ທີ່ ເຮັດວຽກນຳບໍລິສັດບັ້ງໄຟດອກ ທີ່ຫວຽດນາມວ່າຈ້າງມາ ໃຫ້ຈູດບັ້ງໄຟດອກສະແດງ ໃນວັນ ສະຫຼອງ ດັ່ງກ່າວ. ຜູ້ເຄາະຮ້າຍຄົນທີ 4 ແມ່ນເປັນຊາວຫວຽດນາມ.ຕຳຫຼວດເວົ້າວ່າ ເຫດລະເບີດໃນຄັ້ງນີ້ ແມ່ນມີສາເຫດມາຈາກການຂົນສົ່ງ ໃນລັກສະນະ ທີ່ບໍ່ຖືກຕ້ອງເໝາະສົມ ບັ້ງໄຟດອກ ທີ່ນຳເຂົ້າຈາກຕ່າງປະເທດ 2 ລັງ.ສະໜາມກິລາດັ່ງກ່າວນີ້ ແມ່ນນຶ່ງໃນສະຖານທີ 29 ແຫ່ງ ໃນນະຄອນຫຼວງຮ່າໂນ່ຍ ທີ່ ທາງການວາງແຜນໄວ້ວ່າ ຈະມີການຈູດສະແດງບັ້ງໄຟດອກ ເພື່ອເປັນການມ້ວນທ້າຍພິທີ ສະເຫຼີມສະຫຼອງວັນຄົບຮອບໃນການສ້າງຕັ້ງ ນະຄອນຫຼວງຮ່າໂນ່ຍ ໃນມື້ວັນອາທິດຈະມານີ້.

ctober 7, 2010

ເຂື່ອນ​ໄຟຟ້າ​ນ້ຳ​ຊອງ​ ຂະໜາດ 5 ​ເມ​ກາ​ວັດ ຈະ​ເລີ່​ມກໍ່ສ້າງ​ໃນ​ປີ 2012

ເຂື່ອນໄຟຟ້ານ້ຳຕົກຂະຫນາດນ້ອຍນ້ຳຊອງໃນໂຄງການພັດທະນາເຂື່ອນໄຟຟ້າ ເຂດບ້ານຖິ່ນອ່ອນ ເມືອງວັງວຽງ ແຂວງວຽງຈັນພາຍຫຼັງທີ່ໄດ້ເລີ່ມສຳຫລວດ ອອກແບບເບື້ອງຕົ້ນມາແຕ່ທ້າຍເດືອນ 5 ປີ 2010 ເປັນຕົ້ນມາໂດຍ ບໍລິສັດ ເພັດໄລພອນຄອນກຣີດ ຈຳກັດ. ມາໃນວັນທີ 27 ກັນຍາ 2010 ຈຶ່ງມີພິທີເຊັນສັນຍາໃນໂຄງການດັ່ງກ່າວຂອງສອງ ບໍລິສັດ ລະຫວ່າງທ່ານ ເພັດ ວົງຂັນຕີ ປະທານບໍລິສັດ ເພັດໄລພອນຄອນກຣີດ ຈຳກັດ ແລະ ທ່ານປະທານບໍລິສັດ ທີ່ປຶກສາພະລັງນ້ຳ ເຮັກອີຈີເນຍຣິງ (HEC Engineering Co., Ltd) ຂຶ້ນ ຢູ່ຮ້ານອາຫານດາວວຽງ ນະຄອນຫລວງວຽງຈັນ ໂດຍມີທ່ານ ສົມບູນ ຣາຊາສົມບັດ ລັດຖະມົນຕີ ຊ່ວຍວ່າການກະຊວງພະລັງງານ – ບໍ່ແຮ່, ມີບັນດາລັດຖະມົນຕີຊ່ວຍວ່າການ ຈາກກະຊວງກ່ຽວຂ້ອງ, ເຈົ້າເມືອງໆວັງວຽງ, ມີຜູ້ຕາງຫນ້າຈາກພະແນກການຕ່າງໆ ທີ່ກ່ຽວຂ້ອງເຂົ້າຮ່ວມເປັນສັກຂີພິຍານ.

ໃນພິທີເຊັນສັນຍາຄັ້ງນີ້ທ່ານ ເພັດ ວົງຂັນຕີ ໄດ້ແຈ້ງໃຫ້ຊາບວ່າ: ໂຄງການດັ່ງກ່າວ ຈະໄດ້ເລີ່ມການກໍ່ສ້າງໃນປີ 2012 ແລະ ໃນສັນຍາເບື້ອງຕົ້ນ ບໍລິສັດທີ່ປຶກສາພະລັງນ້ຳເ ຮັກອີຈີເນຍຣິງ ແມ່ນມີຫນ້າທີ່ຮັບຜິດຊອບແບ່ງອອກເປັນສອງພາກຄື: ພາກທີ 1: ບໍລິສັດດັ່ງກ່າວມີຫນ້າທີ່ຮັບຜິດຊອບ ອອກແບບສຳຫລວດຂໍ້ມູນເບື້ອງຕົ້ນ ກ່ຽວກັບເຕັກນິກດ້ານທໍລະນີສາດ, ອຸທົກກະສາດ ແລະ ອອກແບບໃນກຳນົດ 1 ເດືອນຖ້າຫາກ ບໍລິສັດດັ່ງກ່າວປະສົບຜົນສຳເລັດ ຮັບປະກັນທາງດ້ານເຕັກນິກ ຂອງການສ້າງເຂື່ອນ ແມ່ນຈະສາມາດສືບຕໍ່ດຳເນີນ ໃນໂຄງການແບບອັດຕາໂນມັດໄປເລີຍ ໄລຍະທີ 2 ໃນກຳນົດ 9 ເດືອນເພື່ອສືບຕໍ່ປະຕິບັດວຽກງານ ດ້ານສະຖາປັດໄຮໂດຣິກອື່ນໆລວມທັງການວິໄຈດ້ານການເງິນ ແລະ ຜົນກະທົບຕໍ່ສິ່ງແວດລ້ອມນຳດ້ວຍ. ໃນເນື້ອທີ່ສຳຫລວດທັງຫມົດປະມານ 80 ຕາລາງກິໂລແມັດ, ຄວາມສູງຂອງເຂື່ອນປະມານ 40 ແມັດ ມີຄວາມຍາວ 110 ແມັດ ເປັນເຂື່ອນໄຟຟ້າຂະຫນາດນ້ອຍ ມີກຳລັງການຜະລິດຂະຫນາດ 5 ເມກາວັດ. ພາຍຫລັງ ການສຳຫລວດອອກແບບທັງຫມົດແລ້ວ ໂຄງການດັ່ງກ່າວຈະໄດ້ເລີ່ມຕົ້ນກໍ່ສ້າງໃນປີ 2012 ແລະ ຈະໃຫ້ສຳເລັດໃນປີ 2016.


ຣັຖບານຈີນເຣີ້ມມີຄວາມ ກົດດັນຈາກພາຍນອກ

ພວກນັກວິເຄາະ ກ່າວວ່າ ກຸ່ມຈາກພາຍນອກ ຣັຖບານຈີນ ມີບົດບາດ ຫລາຍຂຶ້ນ ໃນວົງການ ຣັຖບານ

ມີຄວາມກົດດັນ ຈາກພາຍນອກ ຕໍ່ຣັຖບານຈີນ ເພີ້ມຂຶ້ນ ເພື່ອໃຫ້ມີ ການປັບປຸງ ນະໂຍບາຍ ຕ່າງປະເທດ ຂອງຈີນ ແລະ ຜັກດັນ ໃຫ້ມີການ ເຂົ້າຮ່ວມ ໃນສາກົນ ຫລາຍຂຶ້ນ, ອີງຕາມ ຣາຍງານ ຂອງນັກຊ່ຽວຊານ ໃນມື້ວັນຈັນນີ້.

ຍານາງ ລິນດາ ເຈັດກັອບເຊິນ, ອໍານວຍການ ໂຄງການຈີນ ຂອງສະຖາບັນ ສະວີເດັນ, ກ່າວຕໍ່ຜູ່ສື່ຂ່າວເອ ແອັຟ ພີ, ທີ່ກຸງ ເຮວຊິກີ, ບ່ອນທີ່ ຣາຍງານ ອອກເຜີຍແຜ່ ວ່າ ຍັງມີຕື່ມອີກ ຫລາຍກຸ່ມ, ແລະ ຈໍາເປັນ ທີ່ຜູ່ນໍາ ຣະດັບສູງ ຂອງຈີນ ຕ້ອງໄດ້ນໍາ ຄວາມເຫັນທີ່ ແຕກຕ່າງກັນນັ້ນ ໄປພິຈາລະນາ.

ກຸ່ມທີ່ກົດດັນ ໃໝ່ນີ້ ຮວມທັງ ບໍຣິສັດ ໃຫຍ່ ທີ່ຣັຖ ແລະ ເອກຊົນ ເປັນເຈົ້າຂອງ, ຣັຖບານທ້ອງຖິ່ນ, ພວກນັກຊ່ຽວຊານ, ພ້ອມດຽວກັນນັ້ນ ຍັງມີຄວາມຄິດເຫັນ ຂອງສາທາຣະນະ ທີ່ສົ່ງຜ່ານ ສື່ມວນຊົນ ແລະ ຈາກອິນເທີແນັດ ທີ່ສົ່ງເຖິງ ພັກຄອມມິວນິດ ຈີນ.

ຍານາງ ແຈັກຄັອບເຊິນ ໃຫ້ຂໍ້ສັງເກດ ວ່າ ການອອກ ນະໂຍບາຍ ຂອງຈີນ ຍັງຖືກປົກປິດ ແລະ ເປັນຄວາມລັບຢູ່, ດັ່ງນັ້ນ ຍາກທີ່ສຸດ ທີ່ຈະຮູ້ໄດ້ ວ່າ ກຸ່ມຫົວຄິດໃໝ່ນີ້ ຈະສາມາດ ກົດດັນ ໄດ້ຫລາຍປານໃດ ຕໍ່ການໃຊ້ ອໍານາດ ທີ່ເປັນແບບ ປະເພນີ ຂອງພັກ ຄອມມິວນິດ. ເຖິງຢ່າງໃດ ກໍຕາມ, ການປ່ຽນແປງ ໃໝ່ນີ້ ສະແດງ ໃຫ້ເຫັນວ່າ ພັກຄອມມິວນິດ ຈີນ ບໍ່ສາມາດ ຄວບຄຸມໄດ້ ໝົດທຸກຢ່າງ.

 

ຈີນຈະເລີ່ມກໍ່ສ້າງທາງລົດໄຟ ຈາກເຂດ ສິບສອງພັນນາ ເຊື່ອມຕໍ່ໃສ່ວຽງຈັນ

ທາງການຈີນຈະເລີ່ມລົງມືກໍ່ສ້າງທາງລົດໄຟໃນເຂດສິບສອງພັນນາເພື່ອເຊຶ່ອມຕໍ່ເຖິງນະຄອນ ຫລວງວຽງຈັນໃນທ້າຍເດືອນຕຸລານີ້ ສ່ວນເອກອັກຄະລັດຖະທູດລາວ ປະຈໍາປະເທດໄທ ກໍ ເຊື່ອໝັ້ນວ່າການກໍ່ສ້າງທາງລົດໄຟດັ່ງກ່າວນີ້ຈະສໍາເລັດພາຍໃນຫ້າປີຕໍ່ໜ້າ.

ລາຍງານໂດຍ ຊົງຣິດ ໂພນເງິນ | ບາງກອກ 10-17-2010

ຮູບຈາກ: Songrith

ພິທີລົງນາມໃນບົດບັນທຶກຮ່ວມກັນ ລະຫວ່າງທ່ານສົມມາດ ພົນເສນາ ລັດຖະມົນຕີວ່າການກະຊວງໂຍທາທິການ ແລະຂົນສົ່ງຂອງລາວ ກັບ ລັດຖະມົນຕີກະຊວງລົດໄຟຂອງຈີນ ເມື່ອຕົ້ນເດືອນຕຸລານີ້ ກ່ຽວກັບ ການສ້າງທາງລົດໄຟ ຈາກຢູນນ່ານເຖິງວຽງຈັນ.

ທາງການຈີນຈະເລີ່ມລົງມືກໍ່ສ້າງທາງລົດໄຟໃນເຂດສິບສອງພັນນາເພື່ອເຊຶ່ອມຕໍ່ເຖິງນະຄອນ ຫລວງວຽງຈັນໃນທ້າຍເດືອນຕຸລານີ້ ສ່ວນເອກອັກຄະລັດຖະທູດລາວປະຈໍາປະເທດໄທ ກໍ ເຊື່ອໝັ້ນວ່າ ການກໍ່ສ້າງທາງລົດໄຟດັ່ງກ່າວນີ້ຈະສໍາເຫລັດພາຍໃນຫ້າປີຕໍ່ໜ້າ.

ພາຍຫລັງຈາກທີ່ຄະນະຂອງທ່ານ ຫລິວ ຈື້ຈຸນ ລັດຖະມົນຕີກະຊວງລົດໄຟຂອງຈີນໄດ້ສິ້ນ ສຸດການຢ້ຽມຢາມປະເທດລາວຢ່າງເປັນທາງການ ແລະ ກໍໄດ້ລົງນາມໃນບົດບັນທຶກການ ພົບປະເຈລະຈາຮ່ວມກັນກັບ ທ່ານ ສົມມາດ ພົນເສນາ ລັດຖະມົນຕີວ່າການກະຊວງໂຍທາ ທິການ ແລະ ຂົນສົ່ງຂອງລາວເມື່ອຕົ້ນເດືອນຕຸລານີ້. ກໍປາກົດວ່າໄດ້ມີຄວາມຄືບໜ້າກ່ຽວ ກັບໂຄງການເຊຶ່ອມຕໍ່ທາງລົດໄຟລະຫວ່າງຈີນກັບລາວ ເກີດຂື້ນຢ່າງໄວວາ.

ທັງນີ້ກໍເນື່ອງຈາກສໍານັກຂ່າວຊິນຫົວຂອງລັດຖະບານຈີນນັ້ນ ໄດ້ສະເໜີລາຍງານຂ່າວຫລ້າ ສຸດວ່າ ທາງການຈີນຈະເລີ່ມລົງມືດໍາເນີນການກໍ່ສ້າງທາງລົດໄຟຕາມໂຄງການເຊຶ່ອມຕໍ່ທາງ ລົດໄຟກັບລາວດັ່ງກ່າວ ນັບຈາກທ້າຍເດືອນຕຸລາປີນີ້ເປັນຕົ້ນໄປ ໂດຍຈະເປັນການເລີ່ມຕົ້ນ ການກໍ່ສ້າງຈາກເຂດສິບສອງພັນນາ ໃນມົນທົນຢູນນານຂອງຈີນ ຕໍ່ມາຍັງຊາຍແດນລາວ ທີ່ດ່ານບໍ່ເຕັນໃນແຂວງຫລວງນໍ້າທາ ຜ່ານແຂວງອຸດົມໄຊ-ແຂວງຫລວງພະບາງ ແຂວງວຽງ ຈັນ ແລະນະຄອນວຽງຈັນຕາມລໍາດັບ ຊຶ່ງຈະມີລະຍະທາງຍາວລວມເຖິງ 530 ກິໂລແມດ.

ແຕ່ຢ່າງໃດກໍຕາມ ລາຍຂ່າວຂອງສໍານັກຂ່າວດັ່ງກ່າວກໍບໍ່ໄດ້ໃຫ້ລາຍລະອຽດວ່າ ການກໍ່ ສ້າງທາງລົດໄຟຕາມເສັ້ນທາງດັ່ງກ່າວນີ້ ຈະຕ້ອງໃຊ້ລະຍະທາງເທົ່າໃດກັນແທ້ ຫາກແຕ່ວ່າ ກ່ອນໜ້ານີ້ ທ່ານອ້ວນ ພົມມະຈັກ ເອກອັກຄະລັດຖະທູດລາວປະຈໍາປະເທດໄທ ກໍໄດ້ໃຫ້ ການຢືນຢັນວ່າທາງລົດໄຟທີ່ຈະເຊື່ອມຕໍ່ຈາກຈີນມາທີ່ນະຄອນວຽງຈັນນັ້ນ ຈະໃຊ້ເວລາປະ ມານ 5 ປີ ກໍຈະສ້າງສຳເຫລັດໄດ້ຕະຫລອດເສັ້ນທາງ ດັ່ງທີ່ທ່ານອ້ວນໄດ້ໃຫ້ການຊີ້ແຈງ ໃນຕອນນຶ່ງວ່າ:

“ຕາມທີ່ລາວໄດ້ລົມກັບທາງການຈີນ ຈີນບອກວ່າ ການສ້າງທາງລົດໄຟຢູ່ບ້ານ ເຂົາເຈົ້າຫັ້ນໃນປີນຶ່ງໆສ້າງໄດ້ຮ້ອຍກວ່າກິໂລແມດ ແຕ່ວ່າທີ່ເມືອງລາວນີ້ ເປັນ ເສັ້ນທາງທີ່ຜ່ານເຂດພູດອຍສີ່ຮ້ອຍກິໂລແມດ ຈຶ່ງຈະຕ້ອງໃຊ້ເວລາປະມານຫ້າປີ.”

ທາງການຈີນໄດ້ຕົກລົງຮ່ວມມືກັບທາງການລາວເຂົ້າໃນການພັດທະນາ ແລະກໍ່ສ້າງທາງ
ລົດໄຟໃນລາວເພື່ອເຊຶ່ອມຕໍ່ກັບຈີນ ແລະ ອາຊ່ຽນເມື່ອບໍ່ນານມານີ້ ໂດຍຈະມີການຈັດຕັ້ງ
ບໍລິສັດຮ່ວມທຶນຂື້ນມາດໍາເນີນການຮ່ວມກັນ ຫາກແຕ່ວ່າໃນສ່ວນຂອງເງິນທຶນ ແລະເທັກ
ນິກຕ່າງໆທີ່ຈະນໍາໃຊ້ເຂົ້າໃນການສ້າງທາງລົດໄຟ ຊຶ່ງລວມໄປເຖິງຫົວຈັກລົດໄຟ ແລະຂະ
ບວນລົດໄຟດ້ວຍນັ້ນ ແມ່ນຈະມາຈາກຝ່າຍຈີນທັງໝົດ ຊຶ່ງກໍຄາດວ່າຈະຕ້ອງໃຊ້ເງິນທຶນ
ຄິດເປັນມູນຄ່າຫລາຍກວ່າ 4,000 ລ້ານໂດລາ.

ເສັ້ນທາງລົດໄຟທີ່ທາງການຈີນ ໃຫ້ຄວາມສໍາຄັນຫລາຍທີ່ສຸດກໍຄືເສັ້ນທາງທີ່ເຊື່ອມຕໍ່ຈາກ
ດ່ານບໍ່ເຕັນໃນແຂວງຫລວງນໍ້າທາ ຊຶ່ງຕິດຕໍ່ກັບຊາຍແດນຈີນ ທີ່ບໍ່ຫານໃນເຂດສິບສອງ
ພັນນາມົນທົນຢູນນານ ເລື້ອຍລົງມາສູ່ນະຄອນວຽງຈັນ ແລ້ວເຊຶ່ອມຕໍ່ໄປຍັງຈັງຫວັດໜອງ
ຄາຍໃນພາກອີສານຂອງໄທ ຕໍ່ມາຍັງບາງກອກ-ມາເລເຊຍ-ສິງກະໂປ ຫລືທີ່ເອີ້ນວ່າເສັ້ນ
ທາງລົດໄຟອາຊ່ຽນ-ຈີນນັ້ນເອງ. ທາງດ້ານລັດຖະບານໄທກໍໄດ້ອະນຸມັດງົບປະມານໃນ
ມູນຄ່າ 1,650 ລ້ານບາດ ຫລືຫລາຍກວ່າ 420 ຕື້ກີບ ເພື່ອຊ່ວຍເຫລືອລັດຖະບານລາວ ໃນການກໍ່ສ້າງທາງລົດໄຟທີ່ເຊຶ່ອມຕໍ່ຈາກສະຖານີທ່ານາແລ້ງຕໍ່ ໄປຍັງບ້ານຄໍາສະຫວາດ
ໃນເຂດນະຄອນວຽງຈັນ ຊຶ່ງຈະເລີ່ມລົງມືກໍ່ສ້າງໃນຕົ້ນປີໜ້າ ເພື່ອໃຫ້ສຳເຫລັດແລະເປີດ ໃຊ້ໃຫ້ ໄດ້ພາຍໃນປີ 2014 ເປັນຢ່າງຊ້າ.

ການຂັດແຍ່ງເຂດຊາຍແດນ ໃນອາຊຽນ

ອາຊຽນ ຕ້ອງມີ ຫລັກການ ວິທີແກ້ໄຂ ບັນຫາ ການຂັດແຍ່ງ ເຂດຊາຍແດນ.

ນາຍົກຣັຖມົນຕຣີ ມາເລເຊັຍ ທ່ານ Najib Razak ກ່າວຈາກ ນະຄອນຫລວງ ກົວລາລຳເປີ ໃນມື້ວັນສຸກ ທີ 1 ຕຸລາ 2010 ນີ້ວ່າ ຜູ້ນຳອາຊຽນ ຕ້ອງໄດ້ພັທນາ ຫລັກການວິທີ ແກ້ໄຂບັນຫາ ການຂັດແຍ່ງ ເຂດຊາຍແດນ ຍ້ອນວ່າປະເດັນ ດັ່ງກ່າວອາດ ກະທົບກະເທືອນ ຕໍ່ຄວາມສຳພັນໃນ ໝູ່ປະເທດ ສະມາຊິກ ໄດ້. ໂດຍສະເພາະ ເມື່ອຜູ້ນຳໄດ້ ຮັບຄວາມກົດດັນ ທາງດ້ານການ ເມືອງພາຍໃນ ປະເທດ. ທ່ານກ່າວ ໃນກອງປະຊຸມ ຄັ້ງທີ 7 ຂອງ 100 ຜູ້ນຳອາຊຽນ.

ກອງປະຊຸມ ຈັດຂຶ້ນທຸກໆປີ ສຳລັບ ຜູ້ນຳອາຊຽນ ຈາກພາກທຸຣະກິດ ພາກຣັຖບານ ແລະ ພາກປະຊາ ສັງຄົມ ຂອງປະເທດ ສະມາຊິກ ອາຊຽນ. ທ່ານ Najib ຍັງໃຫ້ ຄວາມເຫັນວ່າ ປະເດັນ ກ່ຽວກັບການ ອ້າງສິດ ອະທິປະໄຕ ຂອງຜືນແຜ່ນດິນ ເປັນປະເດັນທີ່ ທ້າທາຍ ສຳລັບອາຊຽນ.

ທ່ານກ່າວຕື່ມ ອີກວ່າ ຄວາມກົດດັນທາງ ດ້ານການເມືອງ ພາຍໃນປະເທດ ຕໍ່ຜູ້ນຳອາຊຽນ ເປັນສິ່ງທີ່ຈະສ້າງ ຄວາມກະທົບ ກະເທືອນ ຕໍ່ຄວາມສຳພັນ ແລະການເປັນ ອັນນຶ່ງອັນດຽວກັນ ຂອງອາຊຽນ.

ທ່ານ Najib ໄດ້ຮຽກຮ້ອງໃຫ້ ຜູ້ນຳອາຊຽນ ເອົາມາຕການ ຜ່ອນສັ້ນຜ່ອນຍາວ ທາງດ້ານການເມືອງ ຫລື ຊອກຫາທາງອອກ ໂດຍໃຊ້ ກັມມະການກາງ ຫລືສານສາກົນ ໃນການໄກ່ເກັ່ຍ ບັນຫາຂັດແຍ່ງ ດັ່ງທີ່ ມາເລເຊັຍ ແລະ ສິງກະໂປ ໄດ້ກະທຳມາແລ້ວ ຫວ່າງບໍ່ເທົ່າໃດປີ ຜ່ານມານີ້.

ທ່ານກ່າວສລຸບວ່າ ແນ່ນອນ ມັນມີບັນຫາ ລະຫວ່າງ ໄທ ແລະ ກຳພູຊາ, ແຕ່ພາຍໃນ 20 ຫລື 30 ຂ້າງໜ້ານີ້ ຫາກພວກເຮົາ ສາມາດ ຫາທາງອອກໄດ້. ອາຊຽນ ກໍຈະເປັນ ອັນນຶ່ງ ອັນດຽວກັນ.

ພົບເຫັນຣະເບີດ ໃກ້ສະຖານທູດລາວ

ຈົ້າໜ້າທີ່ ຕໍາຣວດໄທ ເວົ້າວ່າ ມີຊາວບ້ານ ແຖບນັ້ນ ໄດ້ໂທຣະສັບ ສຸກເສີນຫາ 191 ແຈ້ງໃຫ້ຊາບ ກ່ຽວກັບ ການພົບເຫັນ ຣະເບີດລູກ ດັ່ງກ່າວ ຊຶ່ງຍັງຢູ່ໃນ ສະພາບ ທີ່ປອດພັຍ. ແກັບຣະເບີດ ຍັງບໍ່ຖືກ ແກະອອກ ແລະ ກໍຢູ່ໃນຖົງ ເສື້ອຜ້າ ປະໄວ້ ໃນພຸມໄມ້. ຕໍາຣວດເຊື່ອວ່າ ຖົງດັ່ງກ່າວ ຄົງຖືກປະໄວ້ ໄດ້ຫລາຍມື້ແລ້ວ ເບິ່ງຕາມ ສະພາບຫຍ້າ ທີ່ຢູ່ກ້ອງຖົງ.

ເຖິງແມ່ນວ່າ ຈະມີການ ປະກາດໃຊ້ ພຣະຣາຊກໍານົດ ສຸກເສີນ ແລະມາຕການ ປ້ອງກັນ ແຕ່ກໍເກີດເຫດ ລອບວາງຣະເບີດ ເກືອບວ່າ ບໍ່ເວັ້ນແຕ່ລະວັນ ໃນຫລາຍມື້ ຜ່ານມານີ້. ແຕ່ວັນສຸກ ທີ່ແລ້ວ ຫາ ວັນພຣະຫັດ ທີ 30 ກັນຍາ ມີຣາຍງານ ການໂຈມຕີ ດ້ວຍ ລູກຣະເບີດ ຢ່າງໜ້ອຍ 5 ກໍຣະນີ ໃນເມືອງບາງກອກ ແລະ ເຂດໃກ້ຄຽງ.

ຜູ້ຖືຫຸ້ນ ນໍ້າເທີນ

ການປ່ຽນແປງ ການຖືຫຸ້ນ ໃນບໍຣິສັດ ນໍ້າເທີນ 2

ເຂື່ອນໄຟຟ້ານໍ້າເທີນ2 ແຂວງຄໍາມ່ວນ

ການຖືຫຸ້ນ ຂອງບໍຣິສັດ ພະລັງງານໄຟຟ້າ ນໍ້າເທີນ 2 ມີການປ່ຽນແປງ ໃນຂນະທີ່ ຜູ້ຖືຫຸ້ນ 2 ບໍຣິສັດ ໄດ້ເພີ້ມອັຕຣາ ການຖືຫຸ້ນ ຂອງຕົນຕື່ມອີກ, ຊຶ່ງເປັນບໍຣິສັດ ທີ່ປັ່ນໄຟຟ້າ ຂນາດໃຫຍ່ ທີ່ສຸດໃນລາວ. ອີງຕາມຖແລງການ ຂອງບໍຣິສັດ ເຂື່ອນນໍ້າເທີນ 2 ໃນມື້ວັນຈັນ ທີ 4 ຕຸລານີ້.

ເມື່ອວັນທີ 29 ກັນຍາ ຜ່ານມາ, ບໍຣິສັດ ໄຟຟ້າ ຝຣັ່ງສາກົນ ຫລື Electricite de France International ຕ້ອງການຖືຫຸ້ນ ເພີ້ມຕື່ມອີກ 5 ສ່ວນຮ້ອຍ ໃນບໍຣິສັດ ພະລັງງານ ໄຟຟ້ານໍ້າເທີນ 2, ໃນຂນະທີ່ ບໍຣິສັດ ໄຟຟ້າ ມະຫາຊົນ ຂອງໄທ ຫລື EGCO ເພີ້ມຫຸ້ນ ຂອງຕົນຂຶ້ນຕື່ມ 10 ສ່ວນຮ້ອຍ.

ຫຸ້ນດັ່ງກ່າວ ໂດຍແມ່ນ ບໍຣິສັດ ອີຕາລຽນ-ໄທ ເປັນຜູ້ຂາຍ, ຊຶ່ງເປັນການປ່ຽນແປງ ອັດຕຣາ ການຖືກຫຸ້ນ ໃນບໍຣິສັດ ດັ່ງກ່າວ. ປັດຈຸບັນ ອັຕຣາການຖືກຫຸ້ນ ຂອງບໍຣິສັດ ໄຟຟ້າ ນໍ້າເທີນ ແບ່ງອອກເປັນ ສັດສ່ວນ ດັ່ງນີ້ ເຊັ່ນ: ບໍຣິສັດ ໄຟຟ້າ ຝຣັ່ງສາກົນ ຖືຫຸ້ນ 40 ສ່ວນຮ້ອຍ, ບໍຣິສັດ EGCO ຂອງໄທ 35 ສ່ວນຮ້ອຍ ແລະ ຣັຖວິສາຫະກິຈ ຂອງລາວ 25 ສ່ວນຮ້ອຍ.

ບໍຣິສັດ ໄຟຟ້າ ນໍ້າເທີນ 2 ຈັດຕັ້ງຂຶ້ນມາ ເພື່ອພັທນາ ແລະ ບໍຣິຫານ ໂຄງການນໍ້າເທີນ 2 ໃນຫລາຍຈຸດປະສົງ. ໂຄງການດັ່ງກ່າວ ຮວມທັງ ການປັ່ນໄຟຟ້າ 1,070 ເມກາວັດ, ໂຄງການສົ່ງເສີມ ສະພາບແວດລ້ອມ ແລະ ສັງຄົມ ຊຶ່ງມີໜ້າທີ່ ສົ່ງເສີມການ ພັທນາ ໂດຍຜ່ານ ພາກ ຣັຖວິສາຫະກິຈ, ຊຶ່ງສ່ວນໃຫຍ່ ຢູ່ໃນແຂວງ ຄໍາມ່ວນ.

ຊາວວີກເກີ ແລະ ຊາວຮັ໋ນ ປະທະກັນ

ເຫດການ ຈະລາຈົນ ຣະຫວ່າງ ຊາວຮັ໋ນຈີນ ແລະ ຊາວມຸສລິມ ວິກເກີ ໃນເຂດຊິນຈຽງ ເຣີ່ມແຕ່ວັນອາທິດມາ ມີຜູ້ເສັຍຊີວິດແລ້ວ 156, ບາດເຈັບ 800 ກ່ວາຄົນ, ແລະ ຖືກຈັບ 1400 ກ່ວາຄົນ.

ຍານາງ ເຣບີຢາ ກາເດັຍ ກ່າວທີ່ ສະໂມສອນ ນັກຂ່າວ ທີ່ກຸງວໍຊິງຕັນ ດີ ຊີ

ເຫດການ ຈະລາຈົນ ທາງ​ພາກ​ຕາ​ເວັນ​ຕົກ ຂອງ​ຈີນ ມາ​ຮອດ​ວັນ​ອັງຄານ ນີ້,​ ມີ​ຜູ້​ເສັຍ​ຊີວິດ​ແລ້ວ ຢ່າງ​ໜ້ອຍ 156 ຄົນ, ບາດ​ເຈັບ ອີກ 828 ຄົນ ​ແລະ ​ຖືກ​ຈັບ 1434 ຄົນ, ຊຶ່ງ​ຖື​ວ່າ ​ເປັນ​ເຫດການ ທີ່​ຮ້າຍ​ແຮງ​ທີ່​ສຸດ ​ໃນ​ຮອບ​ຫລາຍ​ທົສວັດ ຜ່ານ​ມາ ຢູ່​ເຂດ​ຊິນ​ຈຽງ ​ແລະ ກໍ​ຄາດ​ວ່າ ຈໍານວນ ຜູ້​ເສັຍ​ຊີວິດ ຈະ​ມີ​ຫລາຍ​ເພີ້​ມຂຶ້ນ, ຕາມຣາຍງານຂ່າວ ຈາກ​ເມືອງ ອູ​ຣໍາກິ.

ຜູ້​ເຫັນ​ເຫດການ ຣາຍງານວ່າ ​ເຈົ້າ​ໜ້າ​ທີ່ ຕໍາ​ຣວດ ປິດ​ຖນົນ ​ໃນ​ທົ່ວ​​ໂຕ​ເມືອງ​ນະຄອນຫລວງ ອູ​ຣໍາກິ ພາຍຫລັງ ຄວາມ​ບາດໝາງ ຣະຫວ່າງ ຊົນ​ເຜົ່າ​ວີກ​ເກີ ມຸສລິ​ມ ​ແລະ ຊົນ​ເຜົ່າ​ຮັ໋ນ ຂອງ​ຈີນ ທະວີ​ຄວາມ​ຮຸ່ນ​ແຮງ​ຂຶ້ນ ​ຂະນະ​ທີ່​ມີ​ການ​ປະ​ທ້ວງ ​ໃນ​ຂະນະ​ທີ່ນ້ອຍ​ກ່ວາ ຢູ່ ກາສກາ ​ໂຕ​ເມືອງ​ໃຫຍ່ ອັນ​ດັບ​ສອງ ຂອງ​ຊິນ​ຈຽງ.

ເຫດການ ຈະ​ລາຈົນ ດັ່ງກ່າວ ​​ເປັນ​ບັນຫາ ທີ່​ສ້າງ​ຄວາມ​ກັງວົນ ​ໃຫ້​ທາງ​ການ​ຈີນ, ຊຶ່ງ​ການ​ຂຍາຍ​ໂຕ ຢ່າງ​ໄວວາ​ ຂອງ​​ຈີນ ບໍ່​ສາມາດ ກໍາຈັດ​ໄປ​ໄດ້ ​ແລະ ກະທັ້ງ ​ເປັນບັນຫາ ທີ່​ຫລໍ່​ແຫລມ ສໍາ​ລັບ ຊົນ​ເຜົ່າ​ມຕ່າງໆ ສ່ວນ​ນ້ອຍ ຂອງ​ຈີນ ທີ່​ເຫັນ​ວ່າ ພວກ​ຕົນ ກໍາລັງ​ຖືກ​ຄຸ​ກຄາມ ​ໃນ​ຖິ່ນ​ກໍາ​ເນີດ ຂອງ​ຕົນ​ເອງ ຂະນະ​ທີ່ ຊາວ​ຈີນ ​ໂຍກ​ຍ້າຍ ​ເຂົ້າ​ມາ​ຢູ່​ຫລາຍ​ຂຶ້ນ​ນັ້ນ.

ພວກ​ຕໍາຣວດ ​ໃນ​ເຄື່ອງ​ແບບ ຖື​ອາວຸດ​ໄມ້ຄ້ອນ ​ແລະ ​ເຄື່ອງ​ກໍາ​ບັງ ​ເຂົ້າ​ກວດກາ ​ໃນ​ເຂດ​ໂຕ​ເມືອງ​ໃຫຍ່ ຂອງ​ຊາວ​ວິກ​ເກີ ​ເມື່ອ​ວັນ​ຈັນ ຜ່ານ​ມາ. ​​ແຫ​ລ່ງຂ່າວ ຊິນ​ຮວາ ຂອງ​ທາງການຈີນ ອອກ​ຣາຍງານ ພຽງ​ປ​ໂຍກ​ດຽວ ​ໃນ​ເຊົ້າ​ວັນ​ອັງຄານ​ນີ້ ວ່າ ມີ​ຜູ້​ເສັຍ​ຊີວິດ 156 ຄົນ ​ໂດຍ​ບໍ່​ບອກ​ເລີຍ​ວ່າ ຜູ້​ເຄາະ​ຮ້າຍ ​ເປັນ​ຊາວ​ຮັ໋ນ ຫລື ຊາວ​ວິກ​ເກີ.

ຣັຖບານ​ຈີນ ກ່າວ​ຫາ​ວ່າ ຜູ້​ຢູ່​ເບື້ອງ​ຫລັງ ​ເຫດການ​ຈະລາຈົນ ​ແມ່ນ​ຊາວ​​ແມ່ຍິງ ຊາວວີກ​ເກີ ຄົນ​ນຶ່ງ ທີ່​ລີ້​ພັຍ ຢູ່​ສະຫະ​ຣັຖ ​ອາ​ເມ​ຣິກາ. ຊິນ​ຈຽງ ​ເປັນ​ເຂດ ທີ່​ອຸດົມສົມບູນ​ໄປ​ດ້ວຍ ຊັພຍາກ​ອນ ທັມມະ​ຊາດ,​ ​ແຮ່​ທາດ ​ແລະ ບໍ່​ນໍ້າມັນ. ມີ​ເຂດ​ແດນ. ມີ​ເຂດ​ແດນ ຕິດ​ກັບ ປະ​ເທດ​ເຂດ​ເຊັຍ​ກາງ. ຊາວ​ວີກ​ເກີ ຫລາຍ​ຄົນ ຢາກ​ໄດ້ ​ເອກຣາຊ ​ແລະ ຊາວ​ວີກ​ເກີ ຫົວ​ຮຸ່ນ​ແຮງ ຈໍານວນ​ນຶ່ງ ​ເຄື່ອນ​ໄຫວ ​ເພື່ອ​ແຍກ​ດິນ​ແດນ ​ໂດຍ​ໃຊ້ຄວາມ​ຮຸ່ນ​ແຮງ ບາງ​ຄັ້ງ​ຄາວ. ຊາວ​ວີກ​ເກີ ​ເປັນ​ຊຸມ​ຊົນ ສ່ວນ​ໃຫຍ່ ​ໃນ​ເຂດ​ຊິນ​ຈຽງ ຫາກ​ບໍ່​ແມ່ນ​ເມືອງ​ເອກ ອູ​ຣໍາກິ, ​ໂດຍ​ສ່ວນ​ໃຫຍ່ ​ໃນ​ທີ່​ນັ້ນ ​​ເປັນ​ຊາວ​ຮັ໋ນຈີນ ທີ່​ຍ້າຍ​ເຂົ້າ​ມາ​ຢູ່​ໃໝ່.

ວິທີສ້າງສເນ່
ສະເຫນ່ ຄືຫຍັງ ? ສເນ່ ຄື ລັກສະນະທີ່ຫນ້າຮັເປັນຫຍັງຄົນຈິງຕ້ອງສ້າງສເນ່?  ກໍ່ເພາະວ່າ ສເນ່ ປຽບສະເຫມືອນແກ້ວສະລະພັດນືກ ຊື່ງສາມາດ ຈະບັນ ດານ ລາບ ຍົດ ສັລເສີນ ແລະ ສຸກໃຫ້ເກີດຂື້ນໄດ້ ຕົງກັນຂ້າມກັບສະຫນຽດ ຄື ລັກສະນະທີ່ບໍ່ຫນ້າຮັກ ເພາະສະຫນຽດ ເປັນຕົວທຳລາຍ ລາບ ຍົດ ສັນລະເສີນ ແລະສຸກ ໃຫ້ພິນາດໄປ ມີສຸພາສິດ
ບົດຫນື່ງວ່າ: * ຈະປຣາຖນາສິງໃດ ບໍ່ເກີນຫນັກເອົາຄວາມຮັກແລກໄດ້ດັ່ງປະສົງ *
ທາງເກີດສະເຫນ່ ທີ່ພຣະພຸດທະເຈົ້າຕັດໄວ້ ຄື ໂອບອ້ອມອາລີ (ທານ) ວາຈີໄພເຣາະ (ປິຍະວາຈາ) ຫລື ເວົ້າຈາມ່ວນຫນ້າຟັງ ສົງເຄາະປະຊາຊົນ (ອັດຖະຈະຣິຍາ) ວາງຕົນໃຫ້ພໍດີ ແລະອີກຢ່າງຫນື່ງ ຊື່ງມີລັກສະນະຄ້າຍ ໆ ກັນ ຄື ປາກຫວານ ຕົວອ່ອນ ມືເປັນຫອນ ຍິ້ມແຍ້ມແຈ່ມໃສ ນີ້ຄື ທາງເກີດສເນ່ ແລະສາມາດອະທິບາຍໄດ້ດັ່ງນີ້ປາກຫວານ ຫມາຍເຖີງ ຄຳເວົ້າຕ້ອງສຸພາບອ່ອນຫວານ ໃຜຟັງແລ້ວກໍ່ຕິດໃຈ ໃນທີ່ນີ້ຂໍສເນີຄຳເວົ້າທີ່ຖືວ່າເປັນມົງຄົນ ເກີດສເນ່ ຄື ຄຳວ່າ ຂໍໂທດ ຂອບໃຈ ສະບາຍດີ ເວລາເຮົາເຮັດ ຫຍັງຜິດພາດ ລວ່ງເກີນຜູ້ອື່ນ ຕ້ອງຮີບຂໍໂທດ ທັນທີ ເພາະຄຳຂໍໂທດນັ້ນ ຈະເຮັດໃຫ້ຜູ້ທີ່ຖືກ ລ່ວງເກີນນັ້ນຫາຍໂກດແຄ້ນ ແລະກັບມາຮັກໃຄ້ນັບຖືເຮົາທັນທີຄຳວ່າ: ຂອບໃຈ ເມື່ອໃຜໃຫ້ຫຍັງ ກັບເຮົາຫລືຊ່ວຍສົງເຄາະອີຫຍັງເຮົາ ເຊັ່ນ: ບອກທາງແກ່ເຮົາເປັນຕົ້ນ ເຮົາຕ້ອງບອກຂອບໃຈທັນທີ ອັນສະແດງວ່າເຮົາຊາບຊື້ງໃນບຸນຄຸນຂອງເຂົາ
ສ່ວນຄຳວ່າ: ສະບາຍດີ ເມື່ອພົບປະກັບ ກໍ່ຕ້ອງໄດ້ກ່າວທັກທາຍ ເປັນທຳນຽມ ແລະວັດທະນະທຳທີ່ດີງາມ ທີ່ມີຄູ່ຄົນລາວ ສາມຄຳນີ້ ຄື: ຂໍໂທດ ຂອບໃຈ ສະບາຍດີຄວນຫັດເວົ້າໃຫ້ຕິດປາກຈົນເປັນນິດໃສ ແລ້ວທ່ານຈະໄດ້ຊື່ວ່າເປັນຄົນມີສເນ່ ຢ່າງຫນ້າອັດສະຈັນ. ອັນດັບສອງ ທີ່ວ່າຕົວອ່ອນນັ້ນຫມາຍເຖິງວ່າຮູ້ຈັກກົ້ມ ຮູ້ຈັກກາບ ອັນເປັນມາລະຍາດທີ່ສວຍງາມມີສະເຫນ່ ບາງຄົນແຂງກະດ້າງ ໄຮ້ມາລະຍາດ ນົບບໍ່ເປັນ ໄຫວ້ບໍ່ເປັນ ກາບບໍ່ເປັນ ເດິ ໆ ດະໆໆ
ເກີ້ ໆ ເຂີນ ໆ ການອ່ອນນອ້ມຖ່ອມຕົນ ຄື ມົນມະຫາສະເຫນ່ ອັນເປັນສິ່ງທີ່ທຳໃຫ້ເລົ່າປີ ສາມາດເອົາຊະນະໃຈຂົງເບັງໄດ້ດ້ວຍມົນບົດນີ້ ຂົງເບັງເປັນນັກປາດທີ່ຖືຕົວທີ່ສຸດ ຢູ່ພູເຂົາໂງ່ລັງກັ໋ງ ໃນສະໄຫມທີ່ຈີນຕົກເປັນສາມກົກ ຜູ້ທີ່ມີອຳນາດວາດສະຫນາ ຕ່າງແຍ້ງຊີງກັນເປັນໃຫຍ່ແຕ່ລະກົກພະຍາຍາມທີ່ຂະຮວບລວມຄົນມີຝີມືເຂົ້າມາເປັນພັກພວກ ຂົງເບັ້ງໄດ້ຮັບການຕິດຕໍ່ທາບທາມຈາກຜູ້ມີອຳນາດ ຫລາຍຄົນແຕ່ກໍ່ບໍ່ມີໃຜສົມຫວັງແລ້ວຢູ່ຕໍ່ມາປາກົດວ່າຂົງເບັ້ງ ຕ້ອງອອກຈາກບ້ານເດຶມຕາມຫລັງເລົ່າປີ ມາຊ່ວຍວາງແຜນເຮັດສົງຄາມໃຫ້ເລົ່າປີຈົນ
ຕລອດຊີວິດ ແມ່ແຕ່ເລົ່າປີຈະຕາຍຈາກໄປກ່ອນ ຂົງເບັ້ງກໍ່ຍັງບໍ່ປະຖິ້ມ ບຸດຂອງເລົ່າປີທີ່ເປັນເຊັ່ນນີ້ຫນ້າສົງໃສວ່າ ເລົ່າປີມີດີອີ່ຫຍັງ ຈຶ່ງເອົາຊະນະໃຈ ຂົງເບັ້ງໄດ້ການທີ່ເລົ່າປີສາມາດເອົາຊະນະໃຈຂົງເບັ້ງ ໄດ້ນັ້ນບໍ່ແມ່ນເພາະໃຊ້ເຫລ່ຫລ່ຽມກົນອຸບາຍຫຍັງດອກ ຫລື ຈະໃຊ້ເວດມົນກົນຄາຖາກະບໍ່ແມ່ນ ແຕ່ນັບຖືສິບນິ້ວ ທີ່ເລົ່າປີ ປະຄອງ ນົບດ້ວຍຄວາມຮູ້ສືກທີ່ຊື່ສັດ ສຸດຈະລິດນີ້ເອງ ເລົ່າປີ ຊື່ວ່າເປັ້ນຜູ້ທີ່ຍິ່ງໃຫຍ່ ທີ່ມີມາລະຍາດງົດງາມທີ່ສຸດ ອ່ອນນ້ອມຖ່ອມຕົນທີ່ສຸດ ຈົນໄດ້ຊື່ວ່າ ຜູ້ພະນົມມື ທັງສິບທິດ ຈະເອີ້ນວ່າເລົ່າປີ ສ້າງອຳນາດປາລະມີ ດ້ວຍການນົບມືທັງສິບນິ້ວ ກໍ່ບໍ່ຜິດຄວາມອ່ອນນ້ອມຖອມຕົນ ອັນເປັນມົນສັກສິດ ຂົງເບັງທີ່ຍອມ ສະຍົບຕໍ່ເລົ່າປີ ກໍ່ເພາະມົນບົດນີ້

ໂຮງງານເອເລັກໂຕຣນິກຍີງເຈີນລາວ ອຸດົມໄຊ ຈຳກັດ ໄດ້ເປີດໂຮງງານປະກອບໂທລະສັບມືຖື

ໂຮງງານເອເລັກໂຕຣນິກຍີງເຈີນລາວ ອຸດົມໄຊ ຈຳກັດ ໄດ້ເປີດໂຮງງານປະກອບໂທລະສັບມືຖື ແລະ ຜະລິດປາລາສະຕິກຂຶ້ນເປັນແຫ່ງທຳອິດຂອງແຂວງອຸດົມໄຊ, ພິທີໄດ້ຈັດຂຶ້ນ ໃນວັນທີ 26 ມິຖຸນາ 2010ໃຫ້ກຽດເຂົ້າຮ່ວມມີທ່ານ ຄຳຫລ້າ ລີ້ງນະສອນ ເຈົ້າແຂວງໆອຸດົມໄຊ ມີທ່ານ ວາງຢີ່ງ ຫົວຫນ້າຫ້ອງວ່າການນະຄອນຊີເມົາ ສປ ຈີນ ມີປະທານບໍລິສັດ ຜູ້ບໍລິຫານໂຮງງານເອເລັກໂຕຣນິກ ຍີງເຈີລາວ ພ້ອມດ້ວຍແຂກທຸກພາກສ່ວນເຂົ້າຮ່ວມ. ໃນພິທີ ທ່ານ ລີ້ຊຽວເວັງ ຜູ້ບໍລິຫານໂຮງງານ
ເອເລັກໂຕຣນິກຍີງເຈີລາວ ອຸດົມໄຊຈຳກັດ, ໄດ້ຂຶ້ນຜ່ານບົດລາຍງານ ຕໍ່ກັບການລົງທຶນ ແລະ ການສ້າງຕັ້ງໂຮງງານ ຢູ່ແຂວງອຸດົມໄຊ ໂຮງງານແຫ່ງນີ້ໄດ້ເລີ່ມສ້າງຕັ້ງ ມາແຕ່ວັນທີ 18 ເດືອນກຸມພາ 2009 ໃນ ເນື້ອທີ່ 20 ພັນຕາແມັດ ໂດຍມີສະຖານີຕັ້ງຢູ່ບ້ານດອນໄຊ ເຊິ່ງໄດ້ນຳໃຊ້ທຶນທັງຫມົດເກືອບ 7 ແສນໂດລາສະຫະລັດ ມີອາຍຸການລົງທຶນເປັນເວລາ 15 ປີ ປະຈຸບັນ ການກໍ່ສ້າງພື້ນຖານໂຄງລ່າງ ຂອງໂຮງງານປະກອບໂທລະສັບມືຖື ແມ່ນສຳເລັດ 100% ແລະ ທາງໂຮງງານ ໄດ້ນຳເອົາໂທລະສັບຍີ່ຫໍ້ຕ່າງໆ ເຂົ້າມາປະກອບທົດລອງໄດ້ 800 ເຄື່ອງ ແລະ ໄດ້ວາງຈຳຫນ່າຍຢູ່ຫລາຍແຂວງເຊັ່ນ: ແຂວງອຸດົມໄຊ, ຜົ້ງສາລີ, ໄຊຍະບູລີ,
ຫລວງພະບາງ ແລະ ແຂວງອື່ນໆ. ຜ່ານໄລຍະການປະກອບ ແລະ ຈຳຫນ່າຍ 3 ເດືອນຜ່ານມາເຫັນວ່າ ໄດ້ຮັບຄວາມນິຍົມຈາກຜູ້ຊົມໃຊ້ດີພໍສົມຄວນປະຈຸບັນນີ້ ໂຮງງານຍີງເຈີລາວ ສາມາດປະກອບໂທລະສັບມືຖື ໄດ້ 200 ເຄື່ອງຕໍ່ວັນ ເຊິ່ງປະກອບມີກຳມະກອນ 10 ກວ່າຄົນ:
ທ່ານ ລີ້ຊຽງເວັງ ຜູ້ບໍລິຫານໂຮງງານ – ເອເລັກໂຕຣນິກຍີງເຈີລາວກ່າວຕື່ມວ່ານອກ ຈາກປະກອບໂທລະສັບແລ້ວ ທາງໂຮງງານຍັງຈະປະກອບຄອມພີິວເຕີ ແລະ
ກ້ອງຖ່າຍດີຈີຕອນນຳອີກ ສ່ວນໂຮງງານຜະລິດປາລາສະຕິກ ປະຈຸບັນ ພວມດຳເນີນການກໍ່ສ້າງໂຮງງານ ແລະ ສຳເລັດ 30% ຄາດວ່າຈະໃຫ້ສຳເລັດ ໃນລະຫວ່າງກາງ
ປີ 2011 ພ້ອມທັງສືບຕໍ່ຂະບວນການຜະລິດ, ສ່ວນຜະລິດຕະພັນດັ່ງກ່າວ ຈະໄດ້ຜະລິດໂກບລົດຈັກ, ຖົງຢາງ, ຖ້ວຍ, ບ່ວງ ແລະ ອື່ນໆ.

(ໂດຍ: ໄລພອນ ແກ້ວມະນີວອນ)


  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: